නාට්ටාමි මමයි...
වැරහැලි සරමයි කයට දැවටුනේ
පේමන්ට් එක සැප යහනක් මැව්වේ
වෙහෙස මහන්සිය අමතක වූයේ
දුසිම් ගණන් බර ඉසිලූවත් මං
කැහැටු සිරුර හිමි නෑ මට වෙහෙසක්
ලොකු ලොක්කන්ගෙන් දහයක් විස්සක්
ලැබුණත් නැත දැක තිබුණේ මොනරෙක්
කුසගිනි දැනුනත් වේල් තුනම මට
ප්ලේන්ටියකි මුලු දවසම පිහිටට
බත් ඇටයක් දැක කුස පුරවන්නට
පිං මදි ඇති බව නිතර සිතේ මට
කන්ටේනර් එක පිට එක එනකොට
මැවී පෙනේ වැහැරුණු මගේ අතපය
හිතේ හයියකට මිස කිසි විලසක
බර උසුලන්නට නෑ මට ශක්තිය
තිස්තුන් කෝටියේ දෙවි රැකවරණත්
තෙරුවන් බෙලයෙන් බුදු රැකවරණත්
ජය ශ්‍රී මහ බෝ සමිදුගේ පිහිටත්
නොම වේවා මට කිසිදින අඩුවක්
No comments:
Post a Comment